राहुरी तालुक्यात दहशत निर्माण करणारी व वाळू तस्करी करणारी टोळी एक वर्षासाठी हद्दपार

राहुरी प्रतिनिधी / सोमनाथ वाघ : राहुरी तालुक्यात दहशत पसरवणारी आणि वाळू तस्करीसह अनेक गंभीर गुन्हे करणाऱ्या कुख्यात टोळीविरुद्ध अखेर कठोर कारवाई करण्यात आली आहे. महाराष्ट्र पोलीस अधिनियम 1951 चे कलम 55 अंतर्गत सदर टोळीतील प्रमुख व सदस्यांना अहिल्यानगर जिल्ह्याबाहेर एक वर्षासाठी हद्दपार करण्याचे आदेश देण्यात आले आहेत.

प्रस्तृत बातमीतील हकीगत अशी की, टोळी प्रमुख 1) दिपक बबन लाटे वय 36 रा. चिचोली ता. राहुरी, टोळी सदस्य 2) निखील बबन लाटे वय 34 रा. सदर, 3) शंकर राजेंद्र भोसले वय 28 रा. पिंपळगाव फुणगी, ता. राहुरी, 4) शहादेव विठ्ठल माने, वय 34 रा. लेंडी तलाव, मेहकर, जि. बुलढाणा, 5) अभिषेक राजेंद्र नाचणे, वय 32 रा. नवले बस्ती, बेलापुर ता. राहुरी, 6) गणपत बबन गफले वय 30 रा. संक्रापुर ता. राहुरी व 7) संदिप गोपीनाथ लाटे वय 33 रा.चिचोली, ता. राहुरी यांनी एक गुन्हेगारी टोळी तयार करुन त्यांचे टोळीचे गुन्हेगारी अस्तित्व टिकविण्यासाठी राहुरी तालुक्यातील सर्वसामान्य नागरीकांमध्ये दहशत निरतंर राहण्याकरीता महिलेस लज्जा उत्पन्न होईल असे कृत्य करुन मारहाण करणे, गृह अतिक्रमण करुन मारहाण करणे, एखादया व्यक्तीस हक्क असलेल्या ठिकाणी जाण्यास विरोध करणे, बेकायदा शासकीय वाळुची चोरी करणे असे गुन्हे सराईतपणे केलेले असुन दिवसेंदिवस टोळीची गुंडगिरी व गुन्हेगारीवृत्ती वाढतच चालली होती.
टोळीतील टोळी प्रमुख व सदस्यांनी सन 2021 व 2025 मध्ये सराईतपणे केले असुन त्यांचे विरुध्द प्रतिबंध कारवाई करुन सुध्दा त्यांच्या वर्तनात सुधारणा झालेली नाही.

टोळीच्या सदर कृत्यामुळे सर्वसामान्य नागरीकांमध्ये दहशतीचे व भितीचे वातावरण निर्माण झाले होते. त्यामुळे टोळीने केलेल्या गुन्हयांबाबत कोणीही सर्वसामान्य नागरीक उघडपणे तक्रार, साक्ष अगर माहिती देण्यास पोलीस स्टेशनला येत नव्हते. सदर टोळीकडून भविष्यात गंभीर स्वरुपाचे गुन्हे घडणार असल्याने संपुर्ण टोळीची पांगापांग करुन हद्दपार केल्याशिवाय टोळीचे गैरकृत्यांना आळा बसणार नव्हाता तसेच राहुरी पोलीस स्टेशन हद्दीत व आजुबाजुच्या परिसरातील सर्वसामान्य नागरीकांच्या जिवीतास व मालमत्तेच्या सुरक्षिततेसाठी व टोळीची दहशत कमी करण्यासाठी व त्यांचे गैरकृत्यांना प्रतिबंध करण्यासाठी टोळीप्रमुख व टोळी सदस्य यांचे विरुध्द श्री.संजय ठेंगे, पोलीस निरीक्षक, राहुरी पोलीस स्टेशन यांनी महाराष्ट्र पोलीस अधिनियम 1951 चे कलम 55 नुसार अहिल्यानगर जिल्हा हद्दीतुन दोन वर्षाकरीता हद्दपार करणे बाबतचा प्रस्ताव पोलीस अधीक्षक तथा हद्दपार प्राधिकण यांचेकडे सादर केला होता. सदर प्रस्तावाची श्री.जयदत्त भवर, उप विभागीय पोलीस अधिकारी, श्रीरामपुर विभाग,जि. अहिल्यानगर यांनी चौकशी करुन शिफारस अहवाल सादर केला होता.
सदर प्रस्तावाची आम्ही सखोल चौकशी करुन टोळीप्रमुख (1) दिपक बबन लाटे वय 36 रा. चिचोली ता. राहुरी, टोळी सदस्य 2) निखील बबन लाटे वय 34 रा. सदर, 4) शहादेव विठ्ठल माने वय 34 रा. लेंडी तलाव,मेहकर, जि. बुलढाणा, 5) अभिषेक राजेंद्र नाचणे वय 32 रा. नवले बस्ती, बेलापुर ता. राहुरी यांना अहिल्यानगर जिल्हयातुन 01 वर्षाकरीता हद्यपार केले बाबतचे आदेश पारीत केले आहेत.

अहिल्यानगर जिल्हयात संघटीतपणे गुन्हे करणा-या टोळीचा बिमोड करण्यासाठी जिल्हयातील शरीराविरुध्द, मालाविरुध्द, गोवंशीय कायदयान्वये, भारतीय हत्यार कायदयान्वये तसेच वाळु चोरीचे गुन्हे करणाऱ्या गुन्हेगार इसमांची टोळीची माहिती संकलीत करुन त्यांचे विरुध्द हद्यपारीची कार्यवाही करण्यात येत आहे. तसेच आणखी गुन्हेगारांचे टोळीची माहिती संकलीक करण्याचे काम सुरु असुन त्यांचे विरुध्दही हद्दपारीची कार्यवाही करणार आहोत.