नांदेड प्रतिनिधी ( धम्मदीप भद्रे) : भारतीय जनता पार्टीचे राज्यसभा खासदार खा. डॉ. अजित गोपछडे यांच्या वाढदिवसानिमित्त महामहीम राष्ट्रपती द्रोपदी मुर्मु, उपराष्ट्रपती सी. पी. राधाकृष्णन, पंतप्रधान नरेंद्र मोदी, केंद्रीय गृहमंत्री अमित शाह, भाजपा राष्ट्रीय अध्यक्ष जे. पी. नड्डा, मुख्यमंत्री देवेंद्र फडणवीस, उपमुख्यमंत्री अजित पवार, उपमुख्यमंत्री एकनाथ शिंदे यांच्यासह देश-राज्यातील अनेक मंत्र्यांनी व लोकप्रतिनिधींनी पत्र व दूरध्वनीद्वारे अभिष्टचिंतन केले.
खा. गोपछडे यांनी आपल्या कार्यकुशलतेच्या बळावर केवळ मराठवाडा आणि महाराष्ट्रातच नव्हे तर देशभरात प्रभावी व संवेदनशील लोकनेते म्हणून ठसा उमटवला आहे. पक्षातील विश्वासू व कार्यतत्पर खासदार म्हणून त्यांची वेगळी ओळख निर्माण झाली असून नांदेड जिल्ह्याच्या विकासाला त्यांनी नवीन गती दिल्याचे मान्यवरांनी गौरविले आहे. राज्यसभेच्या पटलावर लोकहिताचे विविध विषय प्रभावीपणे मांडत सर्वसामान्यांना न्याय मिळवून देण्यासाठी त्यांचे प्रयत्न सतत सुरू आहेत.
संवेदनशील खासदार म्हणूनही डॉ. अजित गोपछडे यांच्याकडे पाहिले जाते. सामाजिक जाणीव असणाऱ्या लोकनेत्याचा वाढदिवस नांदेड जिल्ह्यात विविध उपक्रमांनी साजरा करण्यात आला. नांदेड जिल्ह्यासह राज्यात झालेल्या अतिवृष्टीमुळे शेतकऱ्यांचे अतोनात नुकसान झाले आहे. अनेक शेतकऱ्यांना आपला प्राण गमावा लागला . अशा परिस्थितीत आपण वाढदिवस साजरा करणे उचित नाही म्हणून खा. डॉ. अजित गोपछडे यांनी वाढदिवसाचे सर्व कार्यक्रम रद्द केले होते .
वाढदिवसानिमित्त कोणीही हार तुरे आणू नयेत . जर आपल्याला वाढदिवस साजरा करावाच वाटला तर गोरगरिबांना मदत करून किंवा संकटात अडकलेल्या नागरिकांना सहाय्य करावे , शालेय विद्यार्थ्यांना वह्या पुस्तकाचे वाटप करावे असे आवाहन त्यांनी केले होते. या आवाहनाला प्रतिसाद देत नांदेड जिल्ह्यातील विविध भागात अनेक सामाजिक उपयोगी उपक्रम राबवण्यात आले.
दरम्यान खा. डॉ. गोपछडे यांच्या वाढदिवसानिमित्त त्यांचे अभिष्टचिंतन करण्यासाठी भारताच्या महामहीम राष्ट्रपती द्रोपदी मुर्मु, उपराष्ट्रपती सी पी राधाकृष्णन , देशाचे कणखर नेतृत्व पंतप्रधान नरेंद्र मोदी केंद्रीय गृहमंत्री अमित शहा , केंद्रीय मंत्री तथा भारतीय जनता पार्टीचे राष्ट्रीय अध्यक्ष जे पी नड्डा यांनी पत्र पाठवून त्यांचे अभिष्टचिंतन केले तर याचवेळी महाराष्ट्राचे मुख्यमंत्री देवेंद्र फडणवीस , माजी मुख्यमंत्री तथा खासदार अशोकराव चव्हाण, उपमुख्यमंत्री अजित दादा पवार, उपमुख्यमंत्री एकनाथ शिंदे, भारतीय जनता पार्टीचे प्रदेशाध्यक्ष रवींद्र चव्हाण , राज्याचे महसूल मंत्री चंद्रशेखर बावनकुळे , गिरीश महाजन , चंद्रकांत दादा पाटील , नांदेडचे पालकमंत्री अतुल सावे यांच्यासह नांदेड जिल्ह्यातील सर्व लोकप्रतिनिधींनी , राज्य मंत्रिमंडळातील बहुतांश मंत्र्यांनी , केंद्रीय मंत्रिमंडळातील अनेक मंत्र्यांनी फोन द्वारे खा. डॉ. अजित गोपछडे यांना वाढदिवसाच्या शुभेच्छा दिल्या आहेत. तर विविध क्षेत्रातील मान्यवरांसह गाव, वाडी तांड्यावरील सामान्य नागरिकांनीही फोनवरून खा. डॉ. अजित गोपछडे यांचे अभिष्टचिंतन केले आहे.
Leave a reply
