SR 24 NEWS

शिक्षण विषयी

मानोरी जिल्हा परिषद शाळेतील “आदर्श शिक्षिका” पुरस्कारप्राप्त स्वाती मोरे मॅडम यांचा ग्रामस्थांकडून उत्स्फूर्त सन्मान

Spread the love

मानोरी प्रतिनिधी ( सोमनाथ वाघ) – ज्ञानज्योती बहुउद्देशीय संस्थेच्या राज्यस्तरीय पुरस्कार वितरण सोहळ्यात “आदर्श शिक्षिका” हा प्रतिष्ठेचा पुरस्कार प्राप्त झालेल्या आढावस्ती, मानोरी येथील जिल्हा परिषद शाळेतील शिक्षिका स्वाती मोरे मॅडम यांचा ग्रामस्थांनी शाल, श्रीफळ व पुष्पगुच्छ देऊन भव्य सन्मान केला.

स्वाती मोरे मॅडम यांनी शिक्षण क्षेत्रातील उल्लेखनीय कार्यासोबतच विद्यार्थ्यांच्या सर्वांगीण विकासासाठी अनेक अभिनव उपक्रम राबवले आहेत. त्यांच्या या कामगिरीची दखल घेऊन त्यांना हा पुरस्कार प्रदान करण्यात आला. या निमित्ताने गावात अभिमान आणि आनंदाचे वातावरण पसरले होते.सन्मानप्रसंगी युवा नेते पोपटराव पोटे, तंटामुक्ती समितीचे अध्यक्ष अण्णासाहेब ठुबे, पैलवान संजय डोंगरे, युवा ग्रामीण पत्रकार संघाचे राहुरी तालुका सचिव पत्रकार सोमनाथ वाघ, शिक्षक सुगतकुमार वाघमारे सर यांच्यासह ग्रामस्थ मोठ्या संख्येने उपस्थित होते.

या वेळी बोलताना पोपटराव पोटे म्हणाले, “मोरे मॅडम यांचा सन्मान म्हणजे संपूर्ण मानोरी गावाचा सन्मान आहे. त्यांनी विद्यार्थ्यांमध्ये वाचनाची गोडी, स्वच्छतेची जाणीव आणि डिजिटल शिक्षणाची ओळख निर्माण केली आहे. त्यांच्या कार्यामुळे परिसरात शैक्षणिक सकारात्मकतेचा प्रकाश पसरला आहे.”

मोरे मॅडम यांनी आपल्या भावना व्यक्त करताना सांगितले, “हा पुरस्कार माझ्या सहकाऱ्यांचा, विद्यार्थ्यांचा आणि संपूर्ण ग्रामस्थांचा आहे. शिक्षण हे समाजपरिवर्तनाचे प्रभावी माध्यम आहे, आणि त्या माध्यमातून मी काम करत राहणार आहे.”

त्यांनी शाळेमध्ये वाचन संस्कार मोहिम, विद्यार्थी सृजन स्पर्धा, स्वच्छ शाळा अभियान, मुलींसाठी मार्गदर्शन शिबिरे, ई-लर्निंग अशा अनेक उपक्रमांचे यशस्वी आयोजन केले आहे. या कार्यामुळे परिसरात शैक्षणिक सकारात्मकता आणि नवचैतन्य निर्माण झाले आहे.

मोरे मॅडम यांचा हा सन्मान नव्या पिढीतील शिक्षकांसाठी प्रेरणादायी ठरत असून, शिक्षणक्षेत्रातील गुणवत्तावृद्धीसाठी एक आदर्श मानक निर्माण करणारा ठरला आहे.


Spread the love

Leave a Reply

error: Content is protected !!