SR 24 NEWS

शिक्षण विषयी

तांदूळवाडी येथील अष्टविनायक स्कूलच्या खेळाडूंची तायक्वांदो स्पर्धेत दमदार झळाळी – जिल्हास्तरीय स्पर्धेसाठी निवड

Spread the love

मानोरी (राहुरी) / सोमनाथ वाघ : राहुरी कृषी विद्यापीठ येथे नुकत्याच पार पडलेल्या तालुकास्तरीय तायक्वांदो स्पर्धेत अष्टविनायक इंग्लिश मीडियम स्कूल अँड ज्युनिअर कॉलेज, तांदुळवाडीच्या खेळाडूंनी आपल्या दमदार खेळाने सर्वांचे लक्ष वेधून घेतले. मुलांच्या गटात अथर्व पेरणे याने ताकदीचा आणि कौशल्यपूर्ण खेळ करत प्रथम क्रमांक पटकावला, तर मुलींच्या गटात ज्ञानेश्वरी हारदे हिने आत्मविश्वासपूर्ण व प्रभावी खेळाची छाप पाडत पहिला क्रमांक मिळवला. दोन्ही विद्यार्थ्यांच्या विजयामुळे त्यांची निवड आता अहिल्यानगर जिल्हास्तरीय तायक्वांदो स्पर्धेसाठी झाली आहे.

या यशामुळे शाळेत उत्साहाचे वातावरण निर्माण झाले असून मुख्याध्यापक श्री. मोहिनीराज होन यांच्यासह क्रीडा शिक्षक आनंद वानखेडे, जयश्री देशपांडे, शितल बोरसे, सुवर्णा मोरे, मनीषा शिंदे, मयूर फडतरे, धनश्री खंडागळे, गोरक्षनाथ होन, पुष्पराणी स्वामी, अमोल जाधव, योगेश होन, ईश्वर होन, राजीव जाधव, मीनाक्षी बोरुडे, स्वप्नाली शिरसाट, भावना माळी, श्यामा शहाणे, किरण जाधव तसेच इतर शिक्षक, शिक्षकेतर कर्मचारी आणि पालकांनी विजेत्या खेळाडूंना मनःपूर्वक शुभेच्छा दिल्या.

शाळा व्यवस्थापनाने या कामगिरीला खेळ क्षेत्रातील सातत्यपूर्ण परिश्रमांचे फलित ठरवले असून, “विद्यार्थी जिल्हास्तरीय स्पर्धेतही चमकदार कामगिरी करून शाळेचे नाव उज्ज्वल करतील” असा विश्वास व्यक्त केला आहे.


Spread the love

Leave a Reply

error: Content is protected !!