राहुरी विद्यापीठ प्रतिनिधी / आर. आर. जाधव : राहुरी तालुक्यातील विद्यापीठ येथे दिनांक २५ ऑगस्ट रोजी तालुकास्तरीय शालेय तायक्वांदो स्पर्धा अत्यंत उत्साहात पार पडल्या. राहुरी कृषी विद्यापीठातील लायब्ररी हॉलमध्ये झालेल्या या स्पर्धेला विविध मान्यवरांची उपस्थिती लाभली होती.
या स्पर्धेत तालुक्यातील सुमारे ६५ हून अधिक विद्यार्थ्यांनी सहभाग नोंदवला. खेळाडूंनी उत्तम खेळकौशल्याचे प्रदर्शन करत स्पर्धा रंगतदार केली. यामध्ये गुरुकुल स्कूलचे विद्यार्थी उमर नूरमोहम्मद आतार व शिवम महेश पोपळघट यांनी तायक्वांदो शिक्षक अमित साळवे यांच्या मार्गदर्शनाखाली विशेष चमकदार कामगिरी केली. त्यांच्या या यशामुळे त्यांची जिल्हा स्तरीय तायक्वांदो स्पर्धेसाठी निवड झाली. या प्रवासात त्यांना शाळेचे संस्थापक, प्राचार्य तसेच क्रीडा शिक्षक ताठे सर यांचेही मोलाचे मार्गदर्शन लाभले.
स्पर्धेचे संचालन तालुका तायक्वांदो अकॅडमीचे सचिव व राष्ट्रीय पंच बाबासाहेब क्षिरसागर यांनी मुख्य पंच म्हणून केले. तर मध्य पंच म्हणून राष्ट्रीय पंच अमोल जऱ्हाड, तसेच वेळ पंच म्हणून क्रीडा शिक्षक किशोर शिंदे यांनी कामकाज पाहिले.
या स्पर्धा खेळीमेळीच्या वातावरणात पार पडल्या. यावेळी तालुक्यातील क्रीडा शिक्षक संतोष बर्डे, लांडगे सर, गोरे सर, प्रकाश मोढे, पी. जी. जगताप, घनश्याम सानप, सुरेखा माकोने मॅडम यांसह अनेक शिक्षक व पालक मोठ्या संख्येने उपस्थित होते.
Leave a reply













