अहिल्यानगर प्रतिनिधी (वसंत रांधवण) : प्रस्तुत बातमीची हकीगत अशी की, दिनांक 28/11/2025 रोजी पोलीस नियंत्रण कक्ष अहिल्यानगर या ठिकाणी विना नंबरचे पांढऱ्या मारुती सुझुकी बलेनो कार मधुन दोन महिलांचे दरेवाडी गावातुन अपहरण झाल्याची माहिती प्राप्त झाली होती. नियंत्रण कक्ष अहिल्यानगर यांनी सदर माहिती तात्काळ श्री किरणकुमार कबाडी, पोलीस निरीक्षक, स्थानिक गुन्हे शाखा अहिल्यानगर यांना कळवुन कारवाई करणेकामी कळविले.
पोनि किरणकुमार कबाडी यांनी तात्काळ स्थानिक गुन्हे शाखेचे पोलीस उपनिरीक्षक श्री अनंत सालगुडे, पोलीस अंमलदार रमेश गांगर्डे, फुरकान शेख, गणेश लबडे, शामसुंदर जाधव, भाऊसाहेब काळे, अमोल कोतकर, रोहित येमुल, महादेव भांड, महिला पोलीस अंमलदार वंदना मोढवे, भाग्यश्री भिटे, चिमा काळे यांचे पथक तयार करुन अपहरण झालेल्या महिलांचा व आरोपीचा शोध घेणेकामी सुचना व मार्गदर्शन करुन पथकास तात्काळ रवाना केले.
पथकाने तात्काळ दरेवाडी, चास शिवारात जावुन बातमीतील वाहन विना नंबरचे पांढऱ्या मारुती सुझुकी बलेनो कारचा शोध घेत असतांना चास गांवचे शिवारातील पोलीस चौकी परिसरामध्ये एक इसम व एक महिला संशयीत रित्या फिरत असतांना दिसले. पथकास सदर महिला व पुरुष यांचेवर संशय बळावल्याने पथक त्यांचेकडे जात असतांना ते तेथुन पळुन जावुन लागले. पथकाने त्यांचा पाठलाग करुन त्यांना ताब्यात घेवुन, त्यांना त्यांचे नांव गांव विचारता, त्यांनी त्यांची नावे 1) रोहन बाबासाहेब पवार वय 25 वर्षे, रा. सारोळाबध्दी, ता. जि. अहिल्यानगर, 2) सिमा अंबर पवार वय 42 वर्षे, रा. एकविरा चौक, ता. जि. अहिल्यानगर असे असल्याचे सांगितले. त्यांचेकडे अपहरित महिलांबाबत सखोल व बारकाईने विचारपुस करता त्यांनी सदरच दोन्ही महिलांना अरणगांव शिवार, बायपास रोडजवळील मेहेरबाबा ट्रस्टचे जंगलात सोडले असल्याचे सांगितले.
ताब्यातील महिला व पुरुष यांचेसह अरणगांव शिवार, बायपास रोडजवळील मेहेरबाबा ट्रस्टचे जंगलामध्ये शोध घेतला असता अपहरित महिला नामे 1) अदिती प्रविण ढेपे वय 22 वर्षे, रा. चेतना कॉलनी, प्लॉट नं. 35, नवनागापुर, एम.आय.डी.सी. अहिल्यानगर, 2) सुरेखा प्रविण ढेपे वय 43 वर्षे, रा. चेतना कॉलनी, प्लॉट नं. 35, नवनागापुर, एम.आय.डी.सी. अहिल्यानगर असे असल्याचे कळवुन, त्यांना रोहन बाबासाहेब पवार व सिमा अंबर पवार अशांनी अपहरित महिला नामे अदिती ढेपे हिने तिचे पती ऋषीकेश दिलीप मोरे यास घटस्पोटाची नोटीस पाठविल्याचे कारणावरुन अपहरण करुन गळा दाबु जिवे ठार मारण्याचा प्रयत्न केला असल्याची हकीगत कळविली.
ताब्यातील आरोपी 1) रोहन बाबासाहेब पवार वय 25 वर्षे, रा. सारोळाबध्दी, ता. जि. अहिल्यानगर, 2) सिमा अंबर पवार वय 42 वर्षे, रा. एकविरा चौक, ता. जि. अहिल्यानगर यांचेविरुध्द अदिती प्रविण ढेपे, वय 22 वर्षे, रा. चेतना कॉलनी, प्लॉट नं. 35, नवनागापुर, एम.आय.डी.सी. अहिल्यानगर हिने दिलेल्या तक्रारीवरुन भिंगार कॅम्प पोलीस ठाणे गु.र.नं. 625/2025 भारतीय न्याय संहिता 2023 चे कलम 109, 126 (2), 140(3), 115(2), 352, 351 (2), 3(5) प्रमाणे गुन्हा दाखल करण्यात आला असुन पुढील तपास भिंगार कॅम्प पोलीस ठाणे हे करीत आहेत.
सदरची कारवाई मा. श्री. सोमनाथ घार्गे पोलीस अधीक्षक, अहिल्यानगर यांचे सुचना व मार्गदर्शनाखाली स्थानिक गुन्हे शाखेचे वरील पोलीस अधिकारी व अंमलदार यांनी केलेली आहे.
अहिल्यानगर येथे दोन महिलांचे अपहरण करणारे दोन आरोपी 02 तासांचे आत स्थानिक गुन्हे शाखेकडुन जेरबंद

0Share
Leave a reply












