राहुरी तालुक्यातील स्त्रीया व मुलींचा अनैतिक व्यापार करणारी व दहशत निर्माण करणारी टोळी हद्दपार …

राहुरी प्रतिनिधी (सोमनाथ वाघ ) : राहुरी तालुक्यात सर्वसामान्य नागरिकांमध्ये दहशत निर्माण करत महिलां व मुलींच्या अनैतिक व्यापारासह दरोडेखोरी, जबरी चोरी, धमक्या आणि अनेक गंभीर गुन्ह्यांमध्ये सहभागी असलेल्या कुख्यात गुन्हेगार टोळीवर अखेर पोलिसांनी मोठी व कठोर कारवाई करत संपूर्ण टोळीला जिल्हाबाहेर सहा महिन्यांसाठी हद्दपार केले आहे. या कारवाईमुळे नाग रिकांमध्ये दिलासा व समाधान व्यक्त होत आहे.

प्राप्त माहितीनुसार, टोळी प्रमुख १) चल्ली भाऊसाहेब साळवे (रा. शिंगवे नाईक, ता. जि. अहिल्यानगर) तसेच टोळी सदस्य (२) सतिष सुभाष विधाते (रा. ताराहाबाद),(३) मच्छिंद्र गोरक्षनाथ सगळगीळे (रा. टाकळीमियाँ), ( ४) श्रीकांत उर्फ सोन्या सुरेश लहुंडे (रा. ताराहाबाद) या चौघांनी एकत्र येत गुन्हेगारी टोळी स्थापन केली होती. टोळीचे अस्तित्व टिकवण्यासाठी घातक शस्त्रासह जबरी चोरी, दरोड्याची तयारी, महिलां व मुलींचा अनैतिक व्यापार, शिवीगाळ व जीव मारण्याच्या धमक्या अशा गंभीर गुन्ह्यांची मालिका त्यांनी दीर्घकाळ राबवली.

सन २०१७ व २०१८ मध्येही टोळीविरुद्ध प्रतिबंधात्मक कारवाई करण्यात आली होती, मात्र वर्तनात सुधारणा न झाल्याने टोळीची गुंडगिरी अधिक वाढत गेली. दहशतीच्या भीतीने सर्वसामान्य नागरिक तक्रार करण्यास, साक्ष देण्यास किंवा माहिती देण्यास पुढे येत नव्हते. भविष्यात आणखी गंभीर गुन्हे घडण्याची शक्यता लक्षात घेता कठोर पावले उचलणे आवश्यक होते.

या पार्श्वभूमीवर राहुरी पोलीस स्टेशनचे पोलीस निरीक्षक श्री. संजय ठेंगे यांनी महाराष्ट्र पोलीस अधिनियम १९५१ च्या कलम ५५ अन्वये संपूर्ण टोळीला जिल्हाबाहेर हद्दपार करण्याचा प्रस्ताव पोलीस अधीक्षक तसेच हद्दपार प्राधिकरणांकडे सादर केला. उपविभागीय पोलीस अधिकारी श्री. जयदत्त भवर यांनी चौकशी अहवाल सादर केल्यानंतर निर्णय देत सदर चारही आरोपींना अहिल्यानगर जिल्ह्यातून ६ महिन्यांसाठी हद्दपार करण्याचे आदेश जारी करण्यात आले.

टोळीविरुद्ध दाखल गुन्ह्यांची यादी पोलीस स्टेशन गुन्हा रजिष्टर नंवर व कलम

१) राहुरी पो.स्टे गुर नं ५२६/२०१८ भा.द.वि. कलम ३९२,३४

२)राहुरी पो.स्टे गु र नं ६४६ / २०१८ भा.द. वि. कलम ३९२,३४

३) राहुरी पो.स्टे गु र नं ९२७/२०१८ भा.द.वि. कलम ३९२,३४

४) राहुरी पो. स्टे गु र नं ९३९/२०१८ भा.द.वि. कलम ३९४,३४

५) राहुरी पो.स्टे गु र नं ६५ / २०१९ भा.द.वि. कलम ३९४,३४

६) राहुरी पो.स्टे गु र नं २२७ / २०१९ भा.द.वि. कलम ३९९

७) राहुरी पो.स्टे गुर नं ८४४/२०१९ भा.द.वि. कलम ३९९,४०२

८) राहुरी पो.स्टे गुर नं ७६९/२०२४ भा. द. वि. कलम ३२७, ३२३,५०४, ५०६

९) MIDC पो.स्टे. गु.र.नं. ४०४/२०२५ स्त्रीया व मुली यांचे अनैतीक व्यापारास प्रतिबंध कायदा १९७६ चे कलम ३,४,५,७,८ अहिल्यानगर जिल्हयात संघटीतपणे गुन्हे करणा-या टोळीचा विगोड करण्यासाठी व गुन्हेगारीवर अंकुश लावण्याच्या दिशेने पोलीस प्रशासनाने आणखी पावले उचलण्याचा मानस व्यक्त केला आहे. शारीरिक अत्याचार, मालमत्ता गुन्हे, गोवंशीय कायदा, अवैध वाळू उत्खनन आणि हत्यार कायदा उल्लंघन करणाऱ्या टोळ्यांची माहिती संकलित करून पुढीलही हद्दपारीची कारवाई करण्यात येणार असल्याचे पोलीस विभागाकडून सांगण्यात आले. राहुरी पोलिसांच्या या कारवाईमुळे तालुक्यातील नागरिकांच्या सुरक्षिततेला आधार मिळणार असून टोळीविरुद्धची भीती मोठ्या प्रमाणात कमी होण्याची अपेक्षा व्यक्त होत आहे.