स्वरांश शेळके यांची मंथन सामान्य ज्ञान परीक्षेत उल्लेखनीय कामगिरी – केंद्रात तिसरा, राज्यात ३३ वा क्रमांक

विशेष प्रतिनिधी / गंगासागर पोकळे : वाळकी (ता. दौंड) येथील जिल्हा परिषद प्राथमिक शाळा काळेवस्ती येथील इयत्ता चौथीतील विद्यार्थी स्वरांश सोमनाथ शेळके याने मंथन सामान्य ज्ञान परीक्षेत उल्लेखनीय यश संपादन करत केंद्र स्तरावर तिसरा आणि राज्य स्तरावर ३३ वा क्रमांक पटकावला आहे.ही परीक्षा दिनांक २ फेब्रुवारी रोजी घेण्यात आली होती. परीक्षेतील यशामध्ये शाळेचे मुख्याध्यापक दत्तात्रय थोरात सर व दत्तात्रय नातू सर यांचे मोलाचे मार्गदर्शन लाभले.

‘मंथन परीक्षा’ ही राज्यभरात घेतली जाणारी सामान्य ज्ञानावर आधारित स्पर्धा परीक्षा असून, इयत्ता पहिली ते आठवीपर्यंतच्या विद्यार्थ्यांसाठी घेतली जाते. विद्यार्थ्यांच्या ज्ञानपातळीचा विकास हा या परीक्षेचा मुख्य उद्देश आहे.स्वरांशच्या या यशाबद्दल दि. २८ जुलै रोजी जिल्हा परिषद प्राथमिक शाळा, कोरेगाव भिवर येथे आयोजित कार्यक्रमात केंद्र प्रमुख संपत सटाले यांच्या हस्ते गौरव चिन्ह देऊन सत्कार करण्यात आला. या प्रसंगी शाळेतील सर्व शिक्षकवृंद आणि पालक मोठ्या संख्येने उपस्थित होते. स्वरांशच्या या घवघव्या यशाबद्दल परिसरातून कौतुकाचा वर्षाव होत आहे.