राहुरी पोलिस स्टेशन आयोजित निबंध स्पर्धेला अंबिका विद्यालय विद्यार्थ्यांचा उत्स्फूर्त प्रतिसाद, सरदार वल्लभभाई पटेल यांच्या १५०व्या जयंतीनिमित्त उपक्रमाचे आयोजन

राहुरी वेब प्रतिनिधी (सोमनाथ वाघ) : सरदार वल्लभभाई पटेल यांच्या १५० व्या जयंतीनिमित्त राहुरी पोलिस स्टेशनच्या वतीने विविध उपक्रमांचे आयोजन करण्यात आले. या कार्यक्रमांतर्गत निबंध स्पर्धा, चित्रकला स्पर्धा व वक्तृत्व स्पर्धांचे आयोजन करण्यात आले. “खेळ, सोशल मीडियाचा प्रश्न व कुटुंब व्यवस्थेचा” या सामाजिक विषयावर घेण्यात आलेल्या निबंध लेखन स्पर्धेला विद्यार्थ्यांचा उत्स्फूर्त प्रतिसाद लाभला.

ही स्पर्धा आदरणीय पोलीस निरीक्षक संजय ठेंगे साहेब यांच्या मार्गदर्शनाखाली अंबिका माध्यमिक विद्यालय, मानोरी येथे पार पडली. पाचवी ते दहावीपर्यंतच्या विद्यार्थ्यांनी मोठ्या उत्साहाने सहभाग घेतला व आपल्या विचारशक्ती, लेखनकौशल्य तसेच सामाजिक जाण यांचे प्रभावी दर्शन घडविले.

विद्यार्थ्यांनी आपल्या निबंधांमधून सोशल मीडियाचा वाढता प्रभाव, मोबाईलच्या अतिरेकी वापरामुळे कुटुंब व्यवस्थेवर होणारे दुष्परिणाम, संवाद तुटण्याची समस्या आणि एकत्रित कुटुंबव्यवस्थेची घटती परंपरा या मुद्यांवर सखोल विचार मांडला. काही विद्यार्थ्यांनी या समस्यांवर उपाय म्हणून संवाद वाढवणे, मोबाईल वापरावर मर्यादा ठेवणे आणि कुटुंबीयांसोबत वेळ घालवण्याचे महत्त्व अधोरेखित केले.

या उपक्रमाच्या यशस्वी आयोजनासाठी विद्यालयाचे मुख्याध्यापक नवनाथ महापुडे, शिक्षक. विधाटे सर, तांबे सर, भांड सर, शिरसाट सर, नाईक सर, लांबे सर, घुमे सर, डमाळे सर, हारदे मॅडम, वाकचौरे मॅडम, बर्डे मॅडम, तावरे मॅडम, गोपाळे भाऊसाहेब, शिपाई.जगधने, देवरे यांनी परिश्रम घेतले. शिक्षकांनी विद्यार्थ्यांना निबंध लेखनाचे मार्गदर्शन करून सामाजिक विषयांवर विचारमंथन करण्यास प्रवृत्त केले.

कार्यक्रमाच्या शेवटी मान्यवरांनी विद्यार्थ्यांचे कौतुक करताना मत व्यक्त केले की, “अशा स्पर्धांमुळे विद्यार्थ्यांमध्ये जबाबदार नागरिकत्वाची भावना, विचारशीलता आणि लेखनकौशल्य वृद्धिंगत होते. सोशल मीडियाच्या वापरात संयम राखणे आणि समाजहिताचा विचार करणे हे आजच्या तरुणाईसमोरचे खरे आव्हान आहे.