तुळजापूर, दि. १५ (वार्ताहर : चंद्रकांत हगलगुंडे) : तुळजापूर तालुक्यातील अणदूर येथील सर्वसमावेशक व धडाडीचे युवा व्यक्तिमत्त्व, ८ फार्मा ग्रुप आणि जय मल्हार पत्रकार संघाचे सक्रिय सदस्य श्रीकांत अणदूरकर यांचा मित्रपरिवाराच्या वतीने सत्कार करण्यात आला. या प्रसंगी त्यांच्या भावी वाटचालीस हार्दिक शुभेच्छा देण्यात आल्या. या कार्यक्रमात बोलताना श्रीकांत अणदूरकर म्हणाले, “जीवनात धनापेक्षा माणसे कमावणे अधिक महत्वाचे आहे. हीच माणसे म्हणजे खरी संपत्ती आहे. श्रम हेच माझे भांडवल असून, क्षणभंगुर सुखासाठी संपत्तीच्या मागे धावण्यापेक्षा जीवाभावाची माणसे जोपासणेच खरी जीवनयात्रा आहे,” असे ते भावनिक होत म्हणाले.
अणदूरकर पुढे म्हणाले, “८ फार्मा ग्रुपच्या माध्यमातून समाजातील अनेक अडचणी सोडविण्याचे कार्य केले जाते. जय मल्हार पत्रकार संघाच्या माध्यमातून सर्वसामान्य नागरिकांच्या प्रश्नांना न्याय मिळवून देण्याचा आमचा प्रामाणिक प्रयत्न सुरू आहे. गाव व परिसरातील जनतेचा आवाज बुलंद करण्याचे कार्य संघ करीत आहे, याचा मला अभिमान आहे.”त्यांनी पुढे सांगितले की, “प्रेम, आपुलकी आणि सहकार्याची भावना ठेवून जीवन जगल्यास प्रत्येकाची वाटचाल नक्कीच सार्थकी लागेल,” असा विश्वास त्यांनी व्यक्त केला.
या कार्यक्रमाला जय मल्हार पत्रकार संघाचे अध्यक्ष चंद्रकांत हगलगुंडे, डॉ. अमरजीत कंदले, ८ फार्माचे संजय जाधव, जीवन मोजे, गोविंद शिंदे, गुणवंत मुळे, सचिन कासार, महेश कारले, अभय चव्हाण, हिराजी गायकवाड तसेच मोठ्या संख्येने मित्रपरिवार उपस्थित होता.
Leave a reply
