तुळजापूर (प्रतिनिधी : चंद्रकांत हगलगुंडे) : गावकऱ्यांच्या आणि मित्रपरिवाराच्या प्रेमामुळे आपण भारावून गेलो असून, हीच प्रचंड ऊर्जाशक्ती भावी काळात कार्यासाठी प्रेरणादायी ठरणार आहे, असे मत डॉ. नागनाथ कुंभार यांनी व्यक्त केले. जीवन क्षणभंगुर आहे, परंतु समाजासाठी आयुष्यातील थोडा वेळ समर्पित केल्यास खऱ्या अर्थाने जीवन सार्थकी लागते, असा विश्वासही त्यांनी यावेळी व्यक्त केला. वेळेचे सोन्याबरोबरच परिसात रूपांतर करण्याचे बळ या प्रेमातूनच मिळते, असे ते म्हणाले. नरे कॉम्प्लेक्स येथे मित्रपरिवाराच्या वतीने डॉ. कुंभार यांचा वाढदिवस उत्साहात साजरा करण्यात आला.
यावेळी त्यांचा सत्कार करून मानाचा मुजरा करण्यात आला. या प्रसंगी डॉ. जितेंद्र कानडे, प्रा. डॉ. एम. बी. बिराजदार, श्रीकांत अणदूरकर, गुणवंत मुळे, बाळकृष्ण पाटील, अविनाश मोकाशे, काशिनाथ करपे, मल्लिनाथ नरे, संतोष नरे, अप्पू धमुरे, चंद्रकांत गुड, करबसप्पा धमुरे, शिवशंकर तिरगुळे, अमोल गुड, प्रसन्न कंदले, लक्ष्मण नरे यांसह मित्रपरिवार मोठ्या संख्येने उपस्थित होता.
Leave a reply
