पुणे येथे सकल धनगर समाजाचे दुसरे अधिवेशन मोठ्या उत्साहात संपन्न

 मुंबई कांदिवली पश्चिम / भारत कवितके : पुणे येथे सकल धनगर समाजाचे दुसरे अधिवेशन मोठ्या उत्साहात जल्लोषात संपन्न झाले.रविवार दिनांक ५ आक्टोंबर २०२५ रोजी सकाळी १० ते सायंकाळी ६वाजेपर्यंत पुणे येथील सावित्रीबाई फुले स्मारक,गंजपेठ,टिंबर मार्केट या ठिकाणी महाराष्ट्रातील विविध ठिकाणांहून आलेल्या समाज बांधवांच्या आणि मान्यवरांच्या उपस्थितीत दुसरे अधिवेशन पार पडले.

सुरुवातीला शाहिर शिवाजी थिटे यांनी पुण्यश्लोक अहिल्याबाई होळकर आणि शिवाजी महाराज यांचा पोवाडा सादर केला,व भिमराव गावडे यांनी कविता सादर केली . पुण्यश्लोक अहिल्याबाई होळकर यांच्या पुतळ्यास पुष्पहार अर्पण करून अभिवादन करण्यात आले.सकल धनगर समाज महाराष्ट्र राज्य यांचें समन्वयक अड.विजय गोफणे यांनी आपल्या प्रास्ताविकात सांगितले की,” पहिले अधिवेशन फक्त आरक्षण अमंलबजावणी बाबत होते,.

पंढरपूर येथील उपोषण त्याचाच एक भाग होता,” तर आशाताईं धायगुडे मार्गदर्शन करताना म्हणाल्या की,” अधिवेशन खूपच कौतुकास्पद ,आयोजक ही कौतुक,” तसेच अड,प्रकाश आंबेडकर यांनी सांगितले की,” होळकर घराण्याचा इतिहास हा राज्य करणारा इतिहास आहे,हा इतिहास समोर आणला पाहिजे, अशा लढवय्या वृत्तीने आरक्षणाची झालेली कोंडी सुटली असती, काही मार्ग निघाला असता, कोर्टाला आरक्षण देण्याचा अधिकारच नाही, कोर्ट परिस्थिती नुसार निकाल देईल.धनगर समाजाचा लोकसभेत निवडून सदस्य पाठविला नाही याची खंत वाटते, लढणारे कार्यकर्ते असतील तर आरक्षण नक्की मिळेल,” या नंतर रामराव वडतके, नितीन वाघमोडे, नयना गुंडे, कार्यक्रम अध्यक्ष अड.विजय मोरे आदी मान्यवरांनी अधिवेशनात धनगर समाज बांधवांना मार्गदर्शन केले.

समाजामधील विविध क्षेत्रात उल्लेखनीय कामगिरी करणाऱ्या पुरुष व महिला यांना अहिल्या रत्न पुरस्कार देऊन गौरविण्यात आले, मुंबई कांदिवली येथील जेष्ठ पत्रकार साहित्यिक गीतकार सामाजिक कार्यकर्ते भारत कवितके यांना त्यांच्या पत्रकारिता व मिडीया क्षेत्रात उल्लेखनीय कामगिरी केल्याबद्दल व्यासपीठावर उपस्थित असलेल्या मान्यवरांच्या हस्ते अहिल्या रत्न पुरस्कार देऊन सन्मानित करण्यात आले, या दुसऱ्या सत्रात मान्यवर व समाज बांधव महिला व पुरुष यांचे समाजातील विविध विषयांवर चर्चा सत्र झाली, पहिल्या उद्घाटनाच्या सत्रात समाजातील अनेक मान्यवर उपस्थित होते,