राहुरी प्रतिनिधी (सोमनाथ वाघ) : अष्टविनायक इंग्लिश मीडियम स्कूल अँड ज्युनिअर कॉलेज, तांदुळवाडी येथे नवरात्रोत्सव मोठ्या श्रद्धा व उत्साहात साजरा करण्यात आला. या निमित्ताने शाळेत विशेष सांस्कृतिक व धार्मिक कार्यक्रमांचे आयोजन करण्यात आले. या कार्यक्रमात विद्यार्थिनींनी देवीचे नऊ अवतार साकारून दुर्गा, लक्ष्मी, सरस्वती यांसह नवदुर्गांचे रूप उभे केले. या देखाव्याने संपूर्ण वातावरण भक्तिमय झाले आणि उपस्थितांच्या मनाला भावले. यानंतर पारंपरिक पद्धतीने कन्या पूजन सोहळा पार पडला. कन्यांना आरती, फुले व प्रसाद अर्पण करून मातृशक्ती व स्त्रीशक्तीचा गौरव करण्यात आला.
या प्रसंगी शाळेचे प्राचार्य मोहिनीराज होन सर, इन्चार्ज पुष्पराणी स्वामी, प्राध्यापक योगेश होन, तसेच अश्विनी उदावंत, मंगल कोरडे, स्नेहल जाधव, सुवर्ण मोरे, अनंत वानखेडे, तृप्ती रणसिंग, ईश्वर होन, राजीव जाधव, धनश्री खंडागळे, अर्चना भावसार, अमोल जाधव, मयूर फडतरे, जयश्री देशपांडे, गोरक्षनाथ होन, शामा शहाणे, मीनाक्षी बोरुडे, दत्तात्रेय लांगे, स्वप्नाली शिरसाट, रूपाली पाटील, शितल बोरसे, अजय थोरात, शितल गागरे, किरण जाधव आदी मान्यवर उपस्थित होते.
प्राचार्य मोहिनीराज होन सर यांनी मार्गदर्शनपर भाषणात नवरात्रोत्सवातून विद्यार्थ्यांना मिळणारे संस्कार, आत्मविश्वास आणि श्रद्धेचे महत्व अधोरेखित केले. या उपक्रमाला शिक्षकवृंद, पालक आणि विद्यार्थी मोठ्या संख्येने उपस्थित राहून कार्यक्रम भक्तिमय, आनंदी आणि उत्साहपूर्ण वातावरणात यशस्वीरीत्या पार पडला.
Leave a reply
