तुळजापूर प्रतिनिधी (चंद्रकांत हगलगुंडे) : समाजवादी पक्षाच्या जिल्हाध्यक्षपदी हिप्परगा ताड येथील सामाजिक कार्यकर्ते लिंगय्या स्वामी यांचे निवड झाल्याने कार्यकर्त्यांनी पेढे वाटून फटाके फोडून आनंदोत्सव साजरा करण्यात आला . तळा-गाळातील सर्वसामान्य कार्यकर्ता म्हणून त्यांची खास ओळख आहे. समाजवादी पक्षाचे आमदार तथा प्रदेशाध्यक्ष अबू आझमी यांच्या हस्ते नियुक्तीपत्र देऊन सन्मानित करण्यात आले. यावेळी युवक प्रदेशाध्यक्ष कृष्णा रोचकरी सह राज्यातील अनेक मान्यवर उपस्थित होते.
स्वामी हे देवानंद भाऊ रोचकरी यांचे कट्टर समर्थक व अनुयायी म्हणून ओळखले जातात. देवराज मित्र मंडळाच्या माध्यमातून तालुक्यात गरीब- वंचित -निराधारसाठी विविध उपक्रम राबवून न्याय देण्याचा त्यांचा प्रयत्न प्रेरणादायी आहे. स्वामी यांच्या निवडीने आगामी स्थानिक स्वराज्य संस्था निवडणुकीत पक्षाला बळ मिळणार असून, पक्षासाठी आपण तन ,मन, धनाने व सर्व शक्तीनिशी उतरूण पक्षाला बळकटी व सर्वसामान्याना न्याय मिळवून देण्याची ग्वाही दिली.
