विठ्ठलराव थोरात इंग्लिश मीडियम स्कूल व ज्युनिअर कॉलेजमध्ये ‘एक पेड माँ के नाम’ उपक्रम राबवला उत्साहात

इंदापूर तालुका प्रतिनिधी / प्रविण वाघमोडे : शनिवार, दि. २६ जुलै २०२५ रोजी विठ्ठलराव थोरात इंग्लिश मीडियम स्कूल व ज्युनिअर कॉलेज येथे ‘एक पेड माँ के नाम’ हा पर्यावरणपूरक उपक्रम उत्साहात पार पडला. या वेळी शाळेच्या क्रीडांगणाचे उद्घाटनही करण्यात आले. या कार्यक्रमाचे उद्घाटन विद्यालयाच्या संचालिका सौ. संगीताताई थोरात यांच्या हस्ते झाले. संस्थेचे संस्थापक अध्यक्ष बापूराव थोरात, सचिव विजयभैया थोरात, संचालक संतोष थोरात, अजय थोरात, सुशीलाताई थोरात यांची यावेळी विशेष उपस्थिती होती.

मुख्याध्यापिका वंदना थोरात यांनी विद्यार्थ्यांना पर्यावरणाचे महत्त्व समजावून सांगताना झाडांचे जीवनातील स्थान अधोरेखित केले. त्यांनी ‘एक पेड माँ के नाम’ उपक्रमाची माहिती देत प्रत्येक विद्यार्थ्याने आपल्या आईच्या नावे एक झाड लावून त्याचे संगोपन करावे, असे आवाहन केले.
उपक्रमाअंतर्गत विद्यार्थ्यांनी व त्यांच्यासोबत आलेल्या मातांनी शालेय परिसरात वृक्षारोपण केले. त्याचबरोबर विद्यार्थ्यांना रोपे वाटून घरीही वृक्षारोपण करण्यासाठी प्रेरित करण्यात आले.

कार्यक्रमात लहान मुलांसाठी खेळणी विभागाची उभारणी करण्यात आली असून त्याचे उद्घाटनही यावेळी करण्यात आले. यावेळी शाळेचे सर्व शिक्षक व शिक्षकेतर कर्मचारी मोठ्या संख्येने उपस्थित होते.
हा उपक्रम पर्यावरण संवर्धनाबरोबरच विद्यार्थ्यांमध्ये आईप्रती कृतज्ञता व जबाबदारीची जाणीव निर्माण करणारा ठरला.