राहुरी शहरातील नगर-मनमाड महामार्गावर सफरचंद भरलेला ट्रक पलटी; वाहनचालक जखमी, सफरचंद घेण्यासाठी नागरिकांची झुंबड

राहुरी प्रतिनिधी (26 जुलै) : राहुरी शहरातील नगर-मनमाड महामार्गावर संत गाडगे महाराज आश्रम शाळेसमोर 27 जुलै रोजी पहाटेच्या सुमारास एक अपघात घडला. सफरचंदाने भरलेला ट्रक (क्रमांक RJ40 GA6386) अचानक पलटी झाला. सकाळी अंदाजे 4.30 ते 5.00 वाजेदरम्यान हा प्रकार घडला. ट्रक पलटी झाल्याने ट्रक चालक लोकेश यादव हे किरकोळ जखमी झाले असून त्यांना तातडीने वैद्यकीय उपचारासाठी हलवण्यात आले आहे.

या अपघातामुळे नगर-मनमाड महामार्गावर काही काळासाठी मोठी वाहतूक कोंडी निर्माण झाली होती. अपघातानंतर ट्रकमधील सफरचंद रस्त्यावर विखुरले गेल्याने त्याठिकाणी एकप्रकारची गडबड निर्माण झाली. घटनास्थळी सफरचंद उचलण्यासाठी स्थानिक नागरिकांची मोठी झुंबड उडाल्याचे पाहायला मिळाले. काहींनी सफरचंद गोळा करून नेल्याचेही निदर्शनास आले.

या अपघाताबाबत बोलताना चालक लोकेश यादव यांनी सांगितले की, ट्रकचा साईडचा स्टेरिंग रॉड अचानक तुटल्याने गाडीवरील नियंत्रण सुटले आणि ट्रक पलटी झाला. सुदैवाने या अपघातात कोणतीही जीवितहानी झाली नाही, मात्र ट्रकचे मोठे नुकसान झाले आहे.पोलिसांनी घटनास्थळी धाव घेऊन वाहतूक सुरळीत करण्यासाठी प्रयत्न केले. स्थानिक प्रशासनाकडून अपघातग्रस्त ट्रक हटवण्याची कार्यवाही सकरण्यात आली असून यामुळे काही काळ वाहतुकीवर परिणाम झाला होता.