SR 24 NEWS

इतर

मानोरी–आरडगाव रेणुका माता पाणी वाटप संस्थेच्या चेअरमनपदी एकनाथ थोरात यांची सर्वानुमते निवड

Spread the love

राहुरी (सोमनाथ वाघ) : मानोरी–आरडगाव रेणुका माता पाणी वाटप संस्थेच्या चेअरमनपदी एकनाथ रखमाजी थोरात यांची सर्वानुमते निवड संस्थेच्या वार्षिक सभेत अतिशय उत्साहात पार पडली. सर्व सदस्यांनी एकमुखीपणे त्यांच्यावर विश्वास दाखवत संस्थेच्या पुढील कार्यकारिणीची धुरा त्यांच्या हाती सोपविली. निवड जाहीर होताच सभागृहात आनंदमय जल्लोषाचे वातावरण निर्माण झाले. समर्थकांनी थोरात यांचा सत्कार करून अभिनंदनाचा वर्षाव केला. शेतकरी बांधवांनीही नवीन नेतृत्वाप्रती समाधान व्यक्त करत संस्थेच्या प्रगतीबाबत आशावाद दर्शविला.

निवडीनंतर बोलताना चेअरमन एकनाथ थोरात म्हणाले,“शेतकऱ्यांच्या पाणी समस्यांना प्राधान्य देत जलव्यवस्थापन सक्षम आणि शास्त्रशुद्ध करण्यावर भर राहील. उपलब्ध पाणीस्रोतांचा योग्य वापर, पारदर्शक वितरण आणि शेतकऱ्यांसाठी उपयुक्त योजनांची अंमलबजावणी हाच आमचा केंद्रबिंदू असेल,” असेही त्यांनी नमूद केले.

सभेला मावळते चेअरमन कचरू थोरात, डॉ. दत्तात्रय वने, उत्तमराव खुळे सर, साहेबराव तोडमल सर, बापूसाहेब वाघ, पोपटराव पोटे, सुनिल जाधव, शिवाजी थोरात, जनार्दन आढाव, अ‍ॅड. संजय पवार, नानासाहेब आढाव, शेंडगे भाऊसाहेब, अण्णासाहेब तोडमल, गोरख बारवकर, गोरकनाथ थोरत, आसफभाई शेख, उद्धव पिले यांच्यासह संस्थेतील सर्व पदाधिकारी व शेतकरी सदस्य उपस्थित होते.

मानोरी–आरडगाव परिसरातील शेतकऱ्यांसाठी रेणुका माता पाणी वाटप संस्था ही महत्त्वाची जीवनदायिनी भूमिका बजावत असून पाणी उपलब्धता, नियोजन आणि वितरण या सर्व टप्प्यांवर संस्थेचे कार्य निर्णायक ठरते. नव्या नेतृत्वाकडून अधिक प्रभावी कार्यपद्धती, पारदर्शकता आणि शेतकऱ्यांना दिलासा देणाऱ्या उपक्रमांची मोठी अपेक्षा व्यक्त करण्यात आली.

शेतकरी बांधवांच्या विश्वासाचे बळ घेऊन नवी कार्यकारिणी जलव्यवस्थापनात सकारात्मक बदल घडवेल, असा विश्वास व्यक्त करत सभेचा समारोप झाला.


Spread the love

Leave a Reply

error: Content is protected !!