आमदार शिवाजीराव कर्डिले यांच्या निधनानंतर पुत्र अक्षय कर्डिले यांची जिल्हा बँकेच्या संचालकपदी बिनविरोध निवड

अहिल्यानगर प्रतिनिधी : अहिल्यानगर जिल्हा मध्यवर्ती सहकारी बँकेचे अध्यक्ष तथा आमदार शिवाजीराव कर्डिले यांच्या नुकत्याच झालेल्या निधनानंतर जिल्हा बँकेतील रिक्त झालेल्या संचालक पदावर त्यांच्या चिरंजीव व भाजपचे युवा नेते अक्षय कर्डिले यांची बिनविरोध निवड करण्यात आली आहे. बँकेच्या संचालक मंडळाच्या आज (ता. २९) झालेल्या महत्त्वपूर्ण बैठकीत हा निर्णय सर्वानुमते घेण्यात आला.

बैठकीदरम्यान शिवाजीराव कर्डिले यांच्या अपूर्व कार्याचा आणि सहकार क्षेत्रातील योगदानाचा गौरवपूर्वक उल्लेख करण्यात आला. त्यांच्यानंतर संचालक मंडळाने त्यांच्या योग्य उत्तराधिकारी म्हणून अक्षय कर्डिले यांच्यावर विश्वास दाखवत त्यांची बिनविरोध निवड जाहीर केली.

या बैठकीस बँकेच्या सर्व संचालकांसह वरिष्ठ अधिकारी उपस्थित होते. या निर्णयाची अधिकृत कार्यवाही पूर्ण झाल्यानंतर अक्षय कर्डिले यांनी सभासदांच्या विश्वासाबद्दल कृतज्ञता व्यक्त केली