मुळा साखर कारखाना व सोनई प्राथमिक आरोग्य केंद्राचा सामाजिक उपक्रम, १०७ ऊसतोड मजुरांची मोफत आरोग्य तपासणी शिबिर संपन्न

सोनई प्रतिनिधी /  मोहन शेगर : दिनांक 25/11/25. मंगळवार मुळा सहकारी साखर कारखाना व सोनई प्राथमिक आरोग्य केंद्रातर्फे गट परिसरात असलेल्या ऊसतोड मजुरांसाठी आरोग्य तपासणी शिबिर आयोजित करण्यात आले. शिबिरामध्ये ऊसतोड मजूर, महिला व पुरुष यांची मोफत आरोग्य तपासणी,गरोदर मतांचे लसीकरण, 5 वर्षाच्या आतील वंचित बालकांचे लसीकरण, क्षयरोग व कुष्ठरोग तपासणी, मधुमेह व रक्तदाब तपासणी करण्यात आली.

वैद्यकीय अधिकारी डॉ. संतोष विधाते यांनी केंद्र व राज्य शासनाच्या माध्यमातून ऊसतोड मजुरांसाठी राबविण्यात येत असलेल्या आरोग्य विषयक योजना व उपक्रमांची माहिती दिली. सदर शिबिरांचे उद्घाटन माननीय श्री. नानासाहेब पा. तूवर साहेब चेअरमन मुळा सहकारी साखर कारखाना यांच्या हस्ते करण्यात आले.

याप्रसंगी मा. श्री. बाळासाहेब पा. बानकर संचालक मुळा सहकारी साखर कारखाना, मा. श्री. शंकरराव पा. दरंदले जनरल मॅनेजर साहेब, मा. श्री. विजय पा. फाटके मुख्य शेतकी अधिकारी, मा. श्री. शिवाजी चावरे उपमुख्य शेतकी अधिकारी, डॉ. संतोष विधाते वैद्यकीय अधिकारी प्रा. आरोग्य केंद्र सोनई , डॉ. क्षितिजा इंगळे वैद्यकीय अधिकारी प्रा. आरोग्य केंद्र सोनई , श्री. रमेश जावळे आरोग्य सहायक, श्री. अरुण शिरसाठ आरोग्य सहायक, श्री. राजू बोर्डे टी. बी. सुपरवायझर, डॉ. सुनील वाघ समुदाय आरोग्य अधिकारी, श्री. सुरेश राठोड आरोग्य सेवक श्री. अर्जुन गुशिंगे आरोग्य सेवक, श्रीमती कविता ठोंबळ आरोग्य सेविका, श्रीमती रोहिणी कुलट , श्रीमती मंगल दराडे आशा गट प्रवर्तक, सर्व आशा सेविका व सर्व समुदाय आरोग्य अधिकारी, व सर्व आरोग्य सेवक, सर्व आरोग्य सेविका इत्यादी उपस्थित होते. कार्यक्रमाची प्रस्तावना श्री. रमेश जावळे यांनी केली.

या कार्यक्रमाचे आभार प्रदर्शन श्री. दत्तात्रय सोनवणे यांनी केली. या शिबीरात 107 ऊसतोड मजुराची तपासणी करणेत आली. यामधे 56 पुरुष 51 महिलांची तपासणी करणेत आली. 11 गरोदर मातांची तपासणी आणि 13 बालकांचे लसिकरण करण्यात आले.