तुळजापूर प्रतिनिधी / चंद्रकांत हगलगुंडे : नळदुर्गच्या सर्वांगीण विकासासाठी दोन दादा व मालकांच्या साक्षीने विकासाला गती व बळ देऊन नगरपालिका निवडणुकीत भाजपाचे कमळ फुलवून खऱ्या अर्थाने नळदुर्ग चा कायापालट करण्यासाठी भारतीय जनता पार्टीला एक हाती सत्ता देण्याचे आवाहन धाराशिव माजी जिल्हा अध्यक्ष नितीन काळे यांनी केले.
नळदुर्ग मध्ये मध्ये मोठ्या प्रमाणात विकासाला चालना देण्यासाठी खऱ्या अर्थाने भाजपाची गरज आहे. स्वच्छ, पारदर्शक कारभार, मुख्य रस्ता, पाणीपुरवठा कायमचे मार्ग काढण्यासाठी तरुण, तडफदार सर्वसामान्यांना न्याय देणारा शहराच्या सर्वांगीण विकासासाठी उद्दिष्ट डोळ्यासमोर ठेवून काम करणाऱ्या बसवराज धरणे आप्पा सारख्या तरुणाची निश्चितच गरज आहे हे ओळखून उमेदवारी दिली त्यांचे सोने करण्याचे काम मतदारांचे आहे. राणा दादा-दीपक दादा-सुनील मालक हा त्रिवेणी संगम विकासाला प्रेरणा व दिशा देणार आहे यासाठी सर्वांनी जाती पातीचा वापर न करता सर्वांगीण विकासासाठी बळ देण्याची गरज असल्याचे प्रतिपादन यावेळी काळे यांनी केले.
नळदुर्ग येथे भाजपा, शिंदे गटाचे उमेदवार, बसवराज धरणे व 20 नगरसेवकांच्या प्रचाराच्या समारंभ प्रसंगी ते बोलत होते.नाळ मातीशी, निष्ठा जनतेशी, प्रत्येकाच्या अडचणीत उभा राहतो पाठीशी अशा बसवराज आप्पा धरणे यांना बहुमताने विजय करण्याचे आवाहन भारतीय जनता पार्टीचे जिल्हा उपाध्यक्ष दीपक दादा आलूरे यांनी केले.
यावेळी तुळजापूर तालुक्याचे आमदार राणा जगदीश पाटील, नय्यर जागीदार, शिवाजी गायकवाड सह असंख्य कार्यकर्ते उपस्थित होते. यावेळी मातंग समाजाने भाजपाचे उमेदवार बसवराज आप्पा धरणे यांना बिन सर्थ पाठिंबा दिला. 2 डिसेंबर रोजी होऊ घातलेल्या निवडणुकीत भाजपाचे पारडे जड असल्याचे चित्र पाहावयास मिळत आहे.
तुळजापूर तालुक्याचे नेते सुनील चव्हाण, प्रदेश कार्यकारणी सदस्य नितीन काळे, साहेबराव घुगे,दत्ता राजमाने, सरपंच युवराज पाटील, सिध्देश्वर कोरे,दिपक आलुरे आदीसह भाजप, शिवसेना (शिंदे गट) पदाधिकारी कार्यकर्ते उपस्थित होते.
यावेळी बसवराज धरणे, लहुजी शक्ती सेनेचे शिवाजी गायकवाड, शिवसेनेचे ज्ञानेश्वर घोडके,माजी नगराध्यक्ष नय्यर जहागिरदार, दत्तात्रय वासकर , नानीमाॅ दर्गाहाचे रिजवान काझी आदींनी आपले मनोगत व्यक्त केले. यावेळी माजी नगरसेवक सचिन डुकरे, अशोक बंजारे यांच्यासह अनेकांनी भाजपात प्रवेश केला.
दादा- मालकांच्या साक्षीने विकासाला गती देण्यासाठी कमळ फुलवा-नितीन काळे यांचे मतदारांना आवाहन

0Share
Leave a reply












