अहिल्यानगर : अहिल्यानगर जिल्हा सहकारी बँकेच्या रिक्त झालेल्या अध्यक्षपदाच्या निवड प्रक्रियेला आज (ता. २४) शांत आणि सुसंवादपूर्ण वातावरणात वेग आला. आज सकाळी ११ वाजता जिल्हा उपनिबंधक मंगेश सुरवसे यांच्या अध्यक्षतेखाली संचालक मंडळाची अधिकृत बैठक पार पडली. बैठकीत सर्वानुमते माजी आमदार चंद्रशेखर घुले पाटील यांची बिनविरोध अध्यक्षपदी निवड करण्यात आली.
आमदार शिवाजीराव कर्डीले यांच्या निधनानंतर रिक्त झालेल्या अध्यक्षपदासाठी आज झालेल्या निवड प्रक्रियेत कोणत्याही प्रकारचा विरोधक किंवा पर्यायी उमेदवार समोर आला नाही. त्यानंतर संचालकांनी एकमताने घुले यांच्या नावावर विश्वास दाखवत निवड जाहीर केली.या बैठकीला जिल्ह्याचे पालकमंत्री राधाकृष्ण विखे पाटील विशेष उपस्थित होते.
Leave a reply
