मोकळ ओहोळ सहकारी सोसायटीच्या चेअरमनपदी ज्ञानदेव कदम तर व्हाईस चेअरमनपदी कैलास कदम यांची बिनविरोध निवड

ब्राम्हणी प्रतिनिधी / ज्ञानेश्वर सुरशे : राहुरी तालुक्यातील राजकीयदृष्ट्या महत्त्वपूर्ण समजल्या जाणाऱ्या मोकळ ओहोळ सहकारी सोसायटीच्या चेअरमनपदी जिल्हा परिषद शाळा व्यवस्थापन समिती अध्यक्ष ज्ञानदेव कदम तर व्हाईस चेअरमनपदी कैलास कदम यांची बिनविरोध निवड करण्यात आली.

मंगळवार, दि. १८ नोव्हेंबर रोजी राहुरीचे सहाय्यक सहकार अधिकारी सोमनाथ भोसले यांच्या उपस्थितीत निवड प्रक्रिया पार पडली. बैठकीदरम्यान संचालक नारायण कदम, योहान साठे, सुभाष कदम, संकेत कदम, संजय कदम, दिलीप औटी, तुकाराम औटी, सुनील कदम, भागुबाई कदम, केशरबाई कदम तसेच सचिव गंगाराम मोरे आदी मान्यवर उपस्थित होते.

निवडीनंतर नूतन पदाधिकाऱ्यांचा सत्कार सोहळा आयोजित करण्यात आला. यावेळी अनेक वक्त्यांनी मनोगत व्यक्त करत नवीन नेतृत्वाकडून उत्कृष्ट कामाची अपेक्षा व्यक्त केली. ज्ञानदेव कदम यांच्या नेतृत्वाच्या आठवणी सांगताना, त्यांची आई माजी सरपंच यमुनाबाई कदम यांनी कार्यकाळात गावात अनेक विकासकामे मार्गी लावली असून, स्वतंत्र स्वस्त धान्य दुकानाचा प्रश्न कायमस्वरूपी मार्गी लावण्यात मोठी भूमिका बजावली, अशी आठवण यावेळी करण्यात आली. यापुढे लिफ्ट सिंचन योजना सुरू होईल, अशी अपेक्षा शेतकरी सभासदांनी व्यक्त केली.

या प्रसंगी बन्सीभाऊ औटी, माजी सरपंच तुकाराम येवले, राजेंद्र कदम, पोलिस पाटील शांताराम कदम, तंटामुक्ती अध्यक्ष अनिल कदम, धनंजय महाराज ढोकणे, रावसाहेब कदम, जयराम औटी, कारभारी कदम, विवेक गारकर, प्रकाश ढोकणे, नवनाथ कदम, अर्जून कदम, अण्णा येवले, विजय औटी, अशोक कदम, मुख्याध्यापक जाधव आदी मान्यवर मोठ्या संख्येने उपस्थित होते. जिल्हा परिषद शाळेच्या वतीने नूतन पदाधिकारी व संचालक मंडळाचा सन्मान करण्यात आला.

या कार्यक्रमाचे सूत्रसंचालन गणेश हापसे यांनी केले. निवडीबद्दल नूतन पदाधिकाऱ्यांचे डॉ. तनपुरे सहकारी साखर कारखान्याचे माजी चेअरमन उदयसिंह पाटील व शिर्डी संस्थानचे माजी विश्वस्त सुरेश वाबळे यांनी अभिनंदन करून पुढील कार्यासाठी शुभेच्छा दिल्या.