राहुरीत नगराध्यक्ष ११ तर नगरसेवक पदासाठी १४६ अर्ज वैध, छाननीत नगराध्यक्ष पदाचा १ तर नगरसेवक पदाचे २३ अर्ज बाद.

राहुरी  प्रतिनिधी (सोमनाथ वाघ) : राहुरी नगरपरिषद सार्वत्रिक निवडणूक-२०२५ साठी सोमवारी शेवटच्या दिवशी नगराध्यक्ष पदासाठी एकूण १२ तर नगरसेवकांच्या २४ जागांसाठी एकूण १७० उमेद्वारी अर्ज दाखल झाले होते. त्यापैकी काल झालेल्या उमेद्वारी अर्जाच्या छाननी प्रक्रियेत नगराध्यक्षपदाचा एक तर नगरसेवकपदाचे २४ अर्ज अवैध झाले. तर नगराध्यक्षपदासाठी ११ तर नगरसेवक पदासाठी १४६ अर्ज वैध ठरले आहेत.राहुरी नगरपरिषद सार्वत्रिक निवडणुकीसाठी उमेदवारी अर्जाची काल छाननी झाली. या छाननीत शिवसेना शिंदे गटाचे ईश्वर नारायण मासरे यांचा अर्ज अवैध झाला. त्यामुळे नगराध्यक्षपदासाठी आता ११ अर्ज राहिले आहेत.

तर नगरसेवक पदासाठी दाखल झालेल्या १७० अर्जापैंकी २४ उमेद्वारी अर्ज अवैध झाले आहेत. या छाननी प्रक्रियेत प्रभाग क्र. १ (अ) मधून कोमल राहुल जाधव, प्रभाग क्र. १ (ब) सागर आबासाहेब येवले, प्रभाग क्र. (अ)- गयाबाई अरूण ठोकळे, पुजा दत्तात्रय साठे (दोन्ही अर्ज), प्रभाग क्र. ३ (ब) – ज्योती किशोर येवले, प्रभाग क्र. ४ (अ) – लक्ष्मिकांत संभाजीराव तनपुरे, सतीश भाऊसाहेब फुलसौंदर, प्रभाग क्र. ४ (ब)- रेखा आप्पासाहेब नरवडे, प्रभाग क्र. ६ (अ) अर्चना ईश्वर मासरे, विमल नामदेव पवार, प्रभाग क्र. ६ (ब) प्रकाश बन्सीलाल पारख, प्रभाग क्र. ७ (अ)- विकास कैलास जगधने, काकासाहेब गणपत अढागळे, प्रभाग क्र. ८ (अ)- प्रतीक दत्तात्रय मेढे, प्रभाग क्र. ९ (ब)-शकुंतला बाळासाहेब इरूळे, रोहिणी राजेंद्र काळे, मिनाक्षी चांगदेव भोंगळ (दोन्ही अर्ज), प्रभाग क्र. ११ (अ)-अनिता रावसाहेब बोरूडे, प्रभाग क्र. ११ (ब).- दिनेश लुमाजी उंडे, भाऊसाहेब हरिभाऊ उंडे. प्रभाग क्र. १२ (अ)-किरण बाळू साळवे, प्रभाग क्र. १२ (ब) आलमास अफनान आतार यांचे उमेद्वारी अर्ज अवैध ठरवण्यात आले.