टाकळीमिया येथील युनिक कॉम्प्युटर इन्स्टिट्यूटला एमकेसीएल तर्फे उत्कृष्ट कामगिरीबद्दल सन्मान, तंत्रज्ञान क्षेत्रातील ग्रामीण विद्यार्थ्यांसाठी युनिक इन्स्टिट्यूट ठरत आहे प्रेरणास्थान

राहुरी प्रतिनिधी( सोमनाथ वाघ) – ग्रामीण भागातील विद्यार्थ्यांना संगणक शिक्षणाची ओळख करून देत डिजिटल क्रांतीत योगदान देणाऱ्या युनिक कॉम्प्युटर इन्स्टिट्यूट, टाकळीमिया या संस्थेला एमकेसीएल तर्फे उत्कृष्ट कार्याबद्दल विशेष सन्मान प्रदान करण्यात आला आहे. हा सन्मान दिनांक ६ नोव्हेंबर २०२५ रोजी आयोजित समारंभात संस्थेचे संस्थापक व प्रमुख रवींद्र वसंत जाधव सर यांना देण्यात आला.

एमकेसीएलने हा पुरस्कार सर्वाधिक प्रवेशसंख्या, १०० टक्के निकाल, तसेच AI आणि नवीन तंत्रज्ञानाच्या प्रभावी वापराबद्दल युनिक इन्स्टिट्यूटला प्रदान केला. २०१९ पासून कार्यरत असलेल्या या संस्थेने आतापर्यंत १००० हून अधिक विद्यार्थ्यांना संगणक साक्षर बनवले आहे.

संस्थेमार्फत MS-CIT, टायपिंग (मराठी, इंग्रजी, हिंदी), Tally Prime, C++, Java, Python यांसह ३२ पेक्षा अधिक व्यावहारिक कोर्सेस शिकवले जातात. या माध्यमातून ग्रामीण विद्यार्थ्यांना केवळ संगणक शिक्षणच नव्हे, तर डिजिटल स्किल्स, सायबर सिक्युरिटी, करिअर गाईडन्स आणि AI सारख्या आधुनिक विषयांमध्ये प्राविण्य मिळवण्याची संधी मिळते.

रवींद्र जाधव सर म्हणाले की आजही काही पालकांच्या गैरसमजुतीमुळे अनेक विद्यार्थी आधुनिक शिक्षणापासून दूर राहतात. MS-CIT हा प्रत्येक काळातील, प्रत्येक वयोगटासाठी आवश्यक असा कोर्स आहे. शिक्षण आधुनिक झालं पाहिजे, तेव्हाच गावं डिजिटल होतील.” युनिक कॉम्प्युटर इन्स्टिट्यूट आज ग्रामीण भागातील विद्यार्थ्यांसाठी तंत्रज्ञान शिक्षणाचा विश्वासार्ह व प्रेरणादायी पर्याय ठरत आहे. रवींद्र जाधव यांच्या अथक प्रयत्नांमुळे संगणक साक्षरतेची ज्योत आता गावागावांत पसरत असून, टाकळीमिया सारख्या छोट्या गावातून डिजिटल भारताच्या दिशेने भक्कम पाऊल टाकले जात आहे.