राहुरीचे आमदार व माजी मंत्री शिवाजीराव कर्डिले यांचे निधन; राजकीय वर्तुळात शोककळा

राहुरी प्रतिनिधी (सोमनाथ वाघ ) : भाजपचे ज्येष्ठ नेते शिवाजीराव कर्डीले यांचे  वयाच्या ६६ व्या वर्षी निधन, राहुरी मतदारसंघाचे विद्यमान आमदार शिवाजीराव कर्डिले यांचं हृदयविकाराच्या तीव्र झटक्यात निधन झालं असून आमदार कर्डिले यांच्या पार्थिवावर आज दुपारी चार वाजता बुऱ्हानगरच्या अमरधाममध्ये अंत्यसंस्कार करण्यात येणार आहेत. दरम्यान, आमदार कर्डिले यांच्या आकस्मिक निधनाने संपूर्ण नगर जिल्ह्यावर शोककळा पसरली आहे. आमदार कै. शिवाजी कर्डिले हे आमदार संग्राम जगताप यांचे सासरे तर अक्षय कर्डिले यांचे वडील होते. आमदार कर्डिले यांच्या निधनामुळे सर्वत्र हळहळ व्यक्त केली जात आहे,