तांदुळवाडी येथील अष्टविनायक स्कूलमध्ये ‘कॉमेडी चेटकिन’ची धमाल, विद्यार्थ्यांना नयना आपटे यांचा अभिनय मंत्र

राहुरी प्रतिनिधी (ज्ञानेश्वर सुरशे) : अष्टविनायक इंग्लिश मीडियम स्कूल अँड ज्युनिअर कॉलेजमध्ये आयोजित विशेष कार्यक्रम विद्यार्थ्यांसाठी अविस्मरणीय ठरला. माता अनुसया प्रोडक्शन, मुंबई प्रस्तुत ‘कॉमेडी चेटकिन’ या विनोदी नाटकाची रंगतदार झलक आज विद्यार्थ्यांसमोर सादर करण्यात आली. हास्य, विनोद, रंगमंच आणि संस्कार यांचा सुंदर संगम अनुभवत विद्यार्थ्यांनी उत्स्फूर्त प्रतिसाद दिला.

कार्यक्रमास ‘घरोघरी मातीच्या चुली’ मालिकेतील ज्येष्ठ सिने-अभिनेत्री नयना आपटे, नाटकाचे लेखक–दिग्दर्शक प्रवीण भारदे आणि साई निरवडेकर उपस्थित होते. विद्यार्थ्यांना मार्गदर्शन करताना मान्यवरांनी — “अभिनयाची आवड जोपासा, मंचावर उभे राहण्याची कला शिका आणि स्वतःवर विश्वास ठेवा,” असा प्रेरणादायी संदेश दिला. त्यांच्या संवादांनी विद्यार्थ्यांच्या चेहऱ्यावर आत्मविश्वास आणि आनंदाची उजळण दिसून आली.

नाटकातील विनोदी प्रसंग, नेमकी संवादशैली आणि प्रभावी मांडणीमुळे सभागृह क्षणोक्षणी हशांनी दुमदुमून गेले. विद्यार्थ्यांनी अभूतपूर्व उत्साहाने प्रत्येक प्रसंगाचा आनंद घेत कार्यक्रम संस्मरणीय बनवला. संपूर्ण वातावरण आनंद – प्रेरणा – संस्कार यांचे सुरेख मिश्रण निर्माण झाले.

या कार्यक्रमास पत्रकार सोमनाथ वाघ, रमेश खेमनर, तसेच शाळेचे प्राचार्य मोहिनीराज होन, इन्चार्ज पुष्पाराणी स्वामी, जयश्री इंचलवारकर, मयूर फडतरे, गोरक्षनाथ होन, शितल बोरसे, धनश्री खंडागळे, सुवर्णा मोरे, अविनाश पडघडमल, सुरेश वैरागर, दत्तात्रेय लांगे, अजय थोरात, स्वप्नाली शिरसाट, रूपाली पाटील, अर्चना भावसार, मनीषा शिंदे, सुनंदा ससाने, तृप्ती रणसिंग, प्रिया मोहिते आदी उपस्थित होते.तसेच जूनियर कॉलेजचे प्राध्यापक योगेश होन, अमोल जाधव, ईश्वर होन, मीनाक्षी गुंजाळ, राजीव जाधव, किरण जाधव यांनीही उपस्थिती दर्शवून कार्यक्रमाची शोभा वाढवली.

अष्टविनायक इंग्लिश मीडियम स्कूल विद्यार्थ्यांच्या सर्वांगीण विकासासाठी कला, संस्कृती, अभिनय आणि नैतिक मूल्ये यांचा संगोपन करणारे उपक्रम सातत्याने राबवत आहे. या मालिकेतील आजचा कार्यक्रम विद्यार्थ्यांच्या मनावर कायमची छाप उमटवणारा असा महत्त्वाचा टप्पा ठरला.