राहुरीचे युवा नेते राजूभाऊ शेटे यांचा शिंदे यांच्या शिवसेना पक्षात जाहीर प्रवेश, मुंबईत उपमुख्यमंत्री एकनाथ शिंदे यांच्या उपस्थितीत घेतला शिवसेनेचा झेंडा हाती

राहुरी प्रतिनिधी (सोमनाथ वाघ) : समाजसेवक तथा स्थानिक पातळीवर प्रभावी नेतृत्व म्हणून ओळखले जाणारे श्री. राजूभाऊ शेटे पाटील यांनी आज शिवसेना पक्षात जाहीर प्रवेश केला. हा प्रवेश सोहळा मुंबई येथे महाराष्ट्र राज्याचे उपमुख्यमंत्री व शिवसेना पक्षाचे मुख्य नेते मा. एकनाथजी शिंदे साहेब यांच्या उपस्थितीत मोठ्या उत्साहात पार पडला.

या प्रसंगी श्री. शेटे पाटील यांनी उपमुख्यमंत्री शिंदे साहेबांच्या विकासाभिमुख कार्यप्रणालीवर विश्वास व्यक्त करून, “शिंदे साहेबांच्या नेतृत्वाखाली महाराष्ट्रात जनतेसाठी खऱ्या अर्थाने विकासाचा नवा अध्याय सुरू झाला आहे. या कार्यात सहभागी होऊन जनसेवा करण्याचा माझा मानस आहे,” असे सांगितले.

उपमुख्यमंत्री एकनाथ शिंदे यांनीही शेटे पाटील यांच्या प्रवेशाचे स्वागत करताना सांगितले की, “राजूभाऊंसारख्या कार्यकर्त्यांच्या सहभागामुळे पक्ष अधिक बळकट होईल आणि जनतेशी असलेले नाते अधिक दृढ बनेल.”

तसेच यावेळी त्यांच्या असंख्य सहकाऱ्यांनीही शिवसेनेत प्रवेश केला. उपमुख्यमंत्री एकनाथ शिंदे यांनी सर्वांचे पक्षात स्वागत करत भावी वाटचालीसाठी शुभेच्छा दिल्या.या प्रसंगी उद्योजक धनुभाऊ घुगरकर, उद्योजक ज्ञानेश्वर टेकाळे, ऍड.भाऊसाहेब पवार, उमेश खिलारी, सरपंच चंद्रकांत आढाव, उपसरपंच सुभाष जुंदरे, श्याम तोडमल, संदीप आढाव, योगेश नालकर, ऍड. चंद्रशेखर शेळके, संदीप बोरुडे, संदीप थोपटे, बाळासाहेब वाघ, आकाश हारदे आदींनीही शिवसेनेत प्रवेश केला.

या कार्यक्रमाला शिवसेना सचिव राम रेपाळे, मंत्री प्रताप सरनाईक, माजी आमदार राजन साळवी, शिवसेना प्रवक्ते संजीव भोर पाटील, जिल्हाप्रमुख बाबुशेठ टायरवाले, तालुकाप्रमुख देवेंद्र लांबे, युवासेना तालुकाप्रमुख सचिन करपे यांच्यासह अनेक शिवसेना पदाधिकारी आणि शिवसैनिक मोठ्या संख्येने उपस्थित होते.

या कार्यक्रमास पक्षाचे वरिष्ठ नेते, मुंबईतील कार्यकर्ते तसेच शेटे पाटील यांचे समर्थक मोठ्या संख्येने उपस्थित होते. प्रवेशानंतर उपस्थितांनी जयशिवसेनाच्या घोषणांनी वातावरण दुमदुमवले.