सोमनाथ वाघ / मानोरी (राहुरी) : राहुरी तालुक्यात आध्यात्मिक क्षेत्रात आघाडीवर असलेल्या मानोरी येथे श्री ग्रंथराज ज्ञानेश्वरी पारायण सोहळा व अखंड हरिनाम सप्ताहास बुधवार पासून सुरुवात होत आहे. त्यादृष्टीने गेल्या तीन दिवसांपासून हनुमान मंदिर व परिसरात मंडप, विद्युत रोषणाई, कमानी उभारण्याचे काम युद्ध पातळीवर सुरू आहे.
गेल्या अनेक वर्षापासून प्रतिवर्षी श्रावण महिन्यात मानोरी येथील अखंड हरिनाम सप्ताहास प्रारंभ होतो. वै. बन्सी महाराज तांबे, भानुदास महाराज गायके, गुरुवर्य ह.भ.प भास्करगिरीजी महाराज, ह.भ.प महंत उद्धवजी महाराज मंडलिक नेवासेकर यांच्या आशीर्वादाने व ह.भ.प संभुगिरी महाराज गोसावी, ह.भ.प लक्ष्मण महाराज चौगुले, ह.भ.प किशोर महाराज जाधव यांच्या मार्गदर्शनाखाली हा श्री ग्रंथराज ज्ञानेश्वरी पारायण सोहळा व अखंड हरिनाम सप्ताह संपन्न होत आहे.
तसेच श्री ग्रंथराज ज्ञानेश्वर पारायण सोहळा व अखंड हरिनाम सप्ताह ग्रंथराज ज्ञानेश्वर पारायण नेतृत्व ह.भ.प नामदेव महाराज जाधव शास्त्री (आळंदी देवीची) हे करणार आहे. या सप्ताहामध्ये नित्याप्रमाणे पहाटे चार ते सहा काकडा भजन, सकाळी सात ते अकरा ज्ञानेश्वरी पारायण, दुपारी चार ते पाच प्रवचन, सायंकाळी पाच ते सहा हरिपाठ, रात्री सात ते नऊ हरिकीर्तन, त्यानंतर महाप्रसाद असा हा नित्याचा कार्यक्रम असणार आहे.
तर प्रवचन सेवा सुनिल महाराज पारे, सिमाताई चौगुले, रामदास महाराज जरे, आदिनाथ महाराज दुशिंग, किशोर महाराज जाधव,संभुगिरी महाराज गोसावी, व किर्तन सेवा ह.भ.प. अंकुश महाराज जगताप, ह.भ.प. महंत अर्जुन महाराज तनपुरे, ह.भ.प. योगीराज महाराज पवार, शास्त्री ह.भ.प. भाऊसाहेब महाराज अन्हाड, ह.भ.प. कृष्णकृपाकिंत डॉ. विकासानंदजी महाराज मिसाळ, ह.भ.प.सौ कांचनताई महाराज जगताप, ह.भ.प. आचार्य भगवानजी महाराज मालपुरकर कीर्तन सेवा होणार आहे.
दि 15 ऑगस्ट रोजी रात्री दहा ते बारा गोकुळाष्टमीनिमित्त भारुडसम्राट ह.भ.प गोविंद महाराज गायकवाड (श्रीक्षेत्र आळंदी) यांचा भारुडाचा कार्यक्रम होणार आहे. तसेच मंगळवार (दि.19) ऑगस्ट रोजी दुपारी तीन ते पाच पाच ग्रंथराज ज्ञानेश्वरी मिरवणूक व त्यानंतर संध्याकाळी सहा वाजता दिपवंदन होणार आहे.
दि. 20.ऑक्टोबर रोजी सकाळी दहा ते बारा किर्तनकेसरी ह.भ. प. महादेव महाराज राऊत (बीड) यांचे काल्याचे हरिकीर्तन होऊन त्यानंतर महाप्रसादाचा कार्यक्रम होणार आहे. त्यामुळे मानोरी व परिसरातील भाविक भक्तांनी या सप्ताहाचा लाभ घ्यावा, असे आवाहन समस्त ग्रामस्थ व भजनी मंडळ मानोरी यांनी केले आहे.
मानोरी येथे १३ ऑगस्टपासून श्री ग्रंथराज ज्ञानेश्वरी पारायण व अखंड हरिनाम सप्ताह भाविकांनी सोहळ्याचा लाभ घ्यावा – ग्रामस्थांचे आवाहन

0Share
Leave a reply












