तांदुळवाडी (राहुरी) : अष्टविनायक इंग्लिश मीडियम स्कूल अँड ज्युनियर कॉलेज, तांदुळवाडी तसेच अष्टविनायक इंटरनॅशनल स्कूल, मांजरी येथे रक्षाबंधनाचा सण अनोख्या पद्धतीने साजरा करण्यात आला. विद्यार्थ्यांनी एकत्र बसून ‘राखी’ची रचना करून भावंडांच्या प्रेमाचे सुंदर प्रतिक साकारले. संपूर्ण शाळेच्या विद्यार्थ्यांनी हिरव्या गालिच्यावर राखीच्या आकारातील भव्य रचना तयार केली. कार्यक्रमात विद्यार्थिनींनी भावांच्या हातावर राखी बांधून गोड पदार्थ भरवले. रक्षाबंधनाची गीते माध्यमातून “बंध हा केवळ धागा नसून प्रेम, विश्वास आणि संरक्षणाचे प्रतीक आहे” हा संदेश दिला गेला.
या उपक्रमासाठी मुख्याध्यापक, शिक्षकवर्ग, पालक आणि स्थानिक मान्यवर उपस्थित होते. शाळा व्यवस्थापनाने विद्यार्थ्यांच्या सर्जनशीलतेचे व एकोप्याचे कौतुक करत, अशा उपक्रमातून संस्कार आणि एकात्मतेची जपणूक करण्याचे महत्त्व अधोरेखित केले. यावेळी अष्टविनायकचे प्राचार्य मोहिनीराज होन, जयश्री देशपांडे, पुष्पराने स्वामी, मयूर फडतरे, रूपाली पाटील, दत्तात्रय डांगे, स्वप्नाली शिरसाट, मीनाक्षी बोरुडे, धनश्री खंडागळे, अर्चना भावसार, सुवर्णा मोरे, गोरक्षनाथ होन, शितल बोरसे, भावना माळी, अमोल जाधव, ईश्वर होन, राजीव जाधव, योगेश होन, मनीषा शिंदे, शामा शहाणे, किरण जाधव शिक्षक व विद्यार्थी मोठ्या प्रमाणात उपस्थित होते
Leave a reply
